افخاض الدجاج الكذابة - مطبخ ام وليد

الإثنين 07 ماي 05:29

: المقادير

  • 1/2 صدر دجاج
  • 2 بطاطا
  • 1 كأس فرينة
  • 1 كأس ماء
  • 1 م ك نشاء
  • ملح و فلفل اسود

: طريقة التحضير

نغلي الدجاج و 1 بطاطا مقطعة جزئين في الماء و الملح و الفلفل الاسود حتى يطيبوا و اذا طابت البطاطا قبل الدجاج ننزع البطاطا و نترك الدجاج يكمل طياب

نمرس البطاطا بالشوكة و نقطع الدجاج قطع صغيرة ثم نفرمه في خلاط كهربائي او نفتته رقيق جدا باليد ثم نخلط او نعجن جيدا البطاطا مع الدجاج حتى يصبحوا مثل العجينة

نقطع حبة بطاطا اخرى على شكل اصابع خشنة و طويلة ثم نقليها

نأخذ كمية من الدجاج نفتحها في اليد و نضع فيها اصبع بطاطا مقلية لكن يكون جزء منه فقط داخل الدجاج ثم نغلق عليه و نضيف الدجاج و نضغط حتى نشكله على شكل فخذ

نخلط الفرينة مع الماء و النشاء و قليل من الملح و الفلفل الاسود حتى ينسجموا مع بعض ثم نغطس فيهم الافخاذ الكذابة و نقليهم في زيت ساخن جدا حتى يحمروا 

نقدمهم كمقبلة كما يمكن تقديمهم كطبق رئيسي مع المرق

بالصحة و الهنا

: كما يمكنكم مشاهد طريقة تحظير هذه الأكلة عبر الفيديو التالي