خبز الدار اليومي

الأربعاء 14 جوان 18:02

: المقادير

  • 1 كغ او 8 كأس فرينة
  • 2 ملعقة كبيرة خميرة الخبز
  • 1 ملعقة كبيرة سكر
  • 2 حبات بيض
  • نصف كأس زيت
  • ماء دافئ
  • ملح

: طريقة التحضير

نخلط الفرينة مع خميرة الخبز و السكر ثم نضيف الملح و نخلط قليلا

نضيف البيض و نضيف فوقه كمية من الماء الدافئ و نفتح البيضات

نجمع العجين بالماء الدافئ حتى نتحصل على عجينة مطلوقة قليلا

نغطيها بكيس بلاستيكي و نتركها ترتاح لمدة 20 دقيقة

نضيف الزيت على دفعات و ندلك بعد كل دفعة حتى ننتهي من كل كمية الزيت و يدخل في العجينة

نغطيها مرة اخرى و نتركها ترتاح لمدة 15 دقيقة 

ندهن اليدين بالزيت و نقسم العجينة على 4 اقسام متساويين

نشكلهم كريات كبيرة و نضعهم في صينية فرن فيها ورق طهي مدهون بالزيت

نخبزهم في الصينية و نشكلهم خبزات ثم نغطيهم ونتركهم حتى يخمروا 

نسخن الفرن على 240 درجة

ندهن الخبزات بالبيض و نرشهم بالسانوج ثم ندخلهم للفرن حتى يطيبوا او ينضجوا 

: كما يمكنكم مشاهد طريقة تحظير هذه الأكلة عبر الفيديو التالي