كيكة زيبرا الهشة و الخفيفة - مطبخ ام وليد

الأحد 25 أوت 15:46

: المقادير

  • 4 بيض
  • 2 كأس فرينة
  • 1 كأس سكر
  • 1 كأس زيت
  • 1 كأس حليب
  • 1 م ص فانيليا
  • 2 م ك كاكاو
  • 2 خميرة الحلويات

: طريقة التحضير

نشعل الفرن يسخن على 180 درجة و ندهن قالب الكيك بالزيت و نرشه بالفرينة

نخلط جيدا البيض مع السكر و الفانيليا ثم نضيف الحليب و نخلط، نضيف الزيت و نخلط، ثم نضيف الفرينة و خميرة الحلويات مغربلين و نخلط حتى يصبح الخليط ناعم

نقسم الخليط على قسمين، ثم نضيف للقسم الاول 2 ملعقة كبيرة فرينة و نخلط جيدا، ثم نضيف للقسم الثاني الكاكاو مغربل و نخلط جيدا

نأخذ غراف من الخليط الاول و نفرغه في وسط قالب الكيك ثم نأخذ غراف من الخليط الثاني و نفرغه في القالب فوق الخليط الاول، و نستمر بنفس الطريقة حتى ننهي كل الخليطين

 

ندخلها للفرن على 180 درجة حتى تنضج الكيكة، ثم بعد ما تبرد جيدا ندهنها بلاجولي او المربى و نزينها بجوز الهند، و التزيين يبقى دائما اختياري

بالصحة و الهنا

: كما يمكنكم مشاهد طريقة تحظير هذه الأكلة عبر الفيديو التالي