كرواصون رائع بطريقة سهلة - مطبخ ام وليد

السبت 17 أوت 09:10

: المقادير

  • 1 كأس حليب دافئ
  • 1 م ك خميرة الخبز
  • 2 م ك سكر
  • 1 بيض
  • ربع كأس زيت
  • 1 خميرة الحلويات
  • فرينة
  • ملح

: طريقة التحضير

 

نخلط جيدا الحليب مع السكر و خميرة الخبز و البيض و الزيت و الملح، ثم نضيف الفرينة و خميرة الحلويات و نخلط حتى نتحصل على عجينة، ثم ندلكها لمدة دقيقتين حتى تصبح طرية

 

نقسم العجينة الى 6 كرات متساوية و نتركهم يرتاحوا لمدة 10 دقائق، ثم نفتح كل الكرات على شكل دوائر، ثم ندهن اول دائرة بزبدة ذائبة و نضع فوقها دائرة اخرى و ندهنها بالزبدة، و نواصل بنفس الطريقة حتى ننهي كل الدوائر

 

نرشهم بقليل من الفرينة و نفتحهم مع بعض حتى نتحصل على دائرة كبيرة، ثم باستعمال قاطعة البيتزا او سكين نقطع الدائرة على شكل مثلثات مثل البيتزا حتى نتحصل على 16 مثلث

 

كل مثلث نقطعه قليلا من الطرف او القاعدة ثم نفتحه قليلا من مكان القطع و نشكل حبات الكرواصون بتدويرها من القاعدة حتى رأس المثلث، ثم نضعهم في صينية فيها ورق طهي و نتكرهم يخمروا

 

ندهنهم بالبيض و ندخلهم في الفرن مسخن مسبقا على اعلى درجة، و نشعله من الاسفل فقط حتى يطيبوا من الاسفل ثم نشعله من الاعلى حتى يحمر الكرواصون

بالصحة و الهنا

: كما يمكنكم مشاهد طريقة تحظير هذه الأكلة عبر الفيديو التالي