قلوب بكريمة الزبده و الشوكولا البيضاء - مطبخ ام وليد

الجمعة 18 ماي 03:43

: المقادير

  • مقادير العجينة:
  • 250غ مارغرين طرية
  • 2 صفار بيض
  • 1 حبة بيض
  • 1 كأس سكر ناعم
  • 1 م ص فانيليا
  • 1/2 كيس خميرة الحلويات
  • فرينة
  • مقادير كريمة الزبدة:
  • 3 م ك مارغرين طرية
  • 3 م ك سكر ناعم
  • 1 م ك بودرة الشونتيي
  • شوكولا بيضاء للغلاصاج

: طريقة التحضير

 

نخلط جيدا المارغرين مع السكر الناعم و الفانيليا و حبة البيض و 2 صفار بيض حتى نتحصل على كريمة ثم نضيف الفرينة و خميرة الحلويات و نجمع الخليط حتى نتحصل على عجينة طرية

 

نرش كيس بلاستيكي بالفرينة و نضع فوقه العجينة و نغطيها بكيس اخر ثم نفتحها بالحلال, بعد ذلك نقطعها بطابع على شكل قلب ثم نضعها في صينية فرن فيها ورق طهي و ندخلها للفرن ساخن مسبقا على 180 درجة حتى يأخذوا لون ذهبي

 

لتحضير كريمة الزبدة نخلط جيدا بالـ batteur المارغرين مع السكر الناعم و بودرة الشونتيي حتى نتحصل على كريمة

 

نترك الحلوى تبرد ثم ندهن اسفل كل حبة حلوى بكريمة الزبدة و نلصق معها حبة اخرى

 

نذوب الشوكولا البيضاء في حمام مائي على نار هادئة ثم نطفئ النار و نضيف لها قليل من الماء الساخن و نخلط جيدا حتى تذوب مرة اخرى و تصبح لامعة

 

نضع حبة الحلوى فوق شوكة و نفرغ فوقها الشوكولا البيضاء بالملعقة حتى نغطيها جيدا ثم نضعها في صينية فيها ورق طهي و نزينها بحلقومة على شكل قلب و التزيين اختياري

بالصحة و الهنا

: كما يمكنكم مشاهد طريقة تحظير هذه الأكلة عبر الفيديو التالي