حلويات جافة اقتصادية ( حلوة القوفريط ) - مطبخ ام وليد

الثلاثاء 21 أفريل 07:49

: المقادير

  • 250غ مارغرين طرية
  • 1 خميرة الحلويات
  • 1 م ص فانيليا
  • 2 بيض
  • 1/2 كأس شاي زيت
  • 1 كأس سكر ناعم
  • فرينة
  • مقادير الغلاصاج:
  • 1 قيس كاكاو بني
  • 1 قيس سكر ناعم
  • 1 قيس حليب
  • 1 م ص مارغرين
  • قوفريط

: طريقة التحضير

نخلط جيدا المارغرين مع الزيت و الفانيليا و السكر الناعم و البيض، ثم نضيف الفرينة تدريجيا و الخميرة الكيميائية و نخلط حتى نتحصل على عجينة طرية

نشكل العجينة على شكل اصابع متساويين ثم نعمل فيهم شق من الاعلى بالسكين ثم نضعهم في صينية فيها ورق طهي و ندخلهم للفرن على 180 درجة حتى يطيبوا و يتنفخوا و يأخذوا لون ذهبي

لتحضير الغلاصاج نخلط الكاكاو مع السكر الناعم و الحليب ثم نضعهم فوق النار و نخلط حتى ينسجموا ثم نضيف المارغرين و نخلط حتى تذوب فقط

بعد ما تبرد الحلوة نغطسها في الغلاصاج بارد ثم نرمدها في القوفريط مبشور خشين ثم نتركها تجف

بالصحة و الهنا

: كما يمكنكم مشاهد طريقة تحظير هذه الأكلة عبر الفيديو التالي