بقلاوه بعجينة الفيلو - مطبخ ام وليد

الخميس 16 أفريل 15:18

: المقادير

  • 5 كأس فرينة
  • 250غ زبدة ذائبة
  • 1 حبة بيض
  • ماء
  • ملح
  • نشاء
  • 250غ مكسرات
  • 1 كغ عسيلة
  • ماء الزهر

: طريقة التحضير

 

نخلط الفرينة مع الملح و 1/2 كأس زبدة ذائبة ثم نضيف البيض و الماء (تدريجيا) و نخلط حتى نتحصل على عجينة متماسكة نوعا ما ثم ندلك العجينة حوالي 5 دقائق حتى تصبح ناعمة و ملساء 

 

نضعها في كيس بلاستيكي و نتركها ترتاح نصف ساعة على الاقل، ثم نشكل العجينة على شكل حربوش او انبوب ثم نقسمها على 12 جزء متساويين و نشكل كل جزء على شكل كرية ثم نغطيها و نتركها ترتاح

 

نرش كل كرية بكمية كبيرة من النشاء و نفتحها دائرة ثم ندهنها بالنشاء و نضعهم فوق بعضهم البعض, ثم نتركهم يرتاحوا لمدة 10 دقائق ثم نفتحهم مع بعض بالحلال على شكل مستطيل كبير و رقيق

 

نقسم العجينة الى جزئين متساويين و نضع جزء في صينية (28/38) مدهونة جيدا بالزبدة الذائبة ثم نضع طبقة من المكسرات محمصين و مطحونين رقيق جدا و نرشهم بالزبدة الذائبة ثم نغطيه بالطبقة الثانية من العجين

 

نزيل الاطراف الزائدة و نقطع البقلاوة بشكل متساوي ثم نسقيها بالزبدة الذائبة، ثم ندخلها للفرن ساخن على 180 درجة مشعول من الاسفل فقط حتى تحمر من تحت ثم نشعله من الاعلى حتى يحمر الوجه

 

نخرجها من الفرن و نتركها لمدة 5 دقائق ثم نعسلها بـ 1 كغ عسيلة دافئة مخلوطة بكمية من ماء الزهر و نتركها تتشرب لمدة 4 ساعات على الاقل و من الاحسن ليلة كاملة قبل تقسيمها

بالصحة و الهنا

: كما يمكنكم مشاهد طريقة تحظير هذه الأكلة عبر الفيديو التالي