اسهل و اسرع طريقة لعمل قريوش الورده - مطبخ ام وليد

الأحد 09 سبتمبر 09:26

: المقادير

  • 5 كؤوس شاي فرينة
  • 1 كأس شاي زيت
  • 1/2 م ص خميرة الحلويات
  • 1/2 م ص خميرة الخبز
  • 1 م ص فانيليا
  • ماء و ماء الزهر
  • ملح
  • عسيلة

: طريقة التحضير

نخلط الفرينة مع خميرة الحلويات و خميرة الخبز و الفانيليا و قليل من الملح, نضيف كأس الزيت و نخلط جيدا, بعد ذلك نجمع العجين بخليط الماء و ماء الزهر حتى نتحصل على عجينة متماسكة و طرية ثم ندلكها قليل

نشكل العجينة على شكل حربوش ثم نقسمها الى 6 اجزاء متساوية و نشكل كل الاجزاء على شكل كريات ثم نضعهم في كيس بلاستيكي و نتركهم يرتاحوا لمدة ساعة على الاقل

نستعمل كسرونة عميقة و صغيرة او علبة طماطم مصبرة فارغة وزن 1 كغ او علبة حليب اطفال فارغة بعد ما نغسلها جيدا و نصنع لها يد بالسلك حتى نستطيع ان نمسكها, و نملئ نصفها بالزيت و نضعها تسخن فوق النار

نأخذ كرية من العجينة و نضعها فوق طاولة العمل تكون مرشوشة بالفرينة و نرش الكرية بالفرينة و نفتحها بالحلال على شكل دائري حتى تصبح رقيقة جدا ثم نشكل فيها خطوط عريضة بالجرارة بدون ما نقطعها

ثم نحمل خط في اليد و نترك خط نحمل خط و نترك خط و هكذا حتي نوصل للاخير ثم نرفع الحبة كاملة بحيث يكون نصف الخطوط في اليد و النصف الباقي متدلي تحت اليد

و نرميها في الزيت الساخن بشكل عشوائي و نتركها حتى تحمر من الاسفل ثم نقلبها و نتركها حتى تحمر من الوجه الاخر ثم نترك القريوش يبرد تماما ثم نضعه في علبة بلاستيكية و نغلق عليه و نعسله قبل التقديم فقط

لكي نعسله نغطسه في عسيلة دافئة ثم نقطره جيدا من العسل ثم نضعه في صحن التقديم

التزيين اختياري

و بالصحة و الهنا

: كما يمكنكم مشاهد طريقة تحظير هذه الأكلة عبر الفيديو التالي